लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी, २७ कात्तिक २०८० गते । गुल्मी जिल्लाको रेसुङ्गा गौशालामा सोमबार सामूहिक गाईपूजा गरिएको छ । रेसुङ्गा संरक्षण समितिको आयोजनामा गाईतिहारे औँसीको दिन धार्मिकस्थल रेसुङ्गासँगै रहेको गौशालामा गाईको सामूहिक पूजा गरिएको रेसुङ्गा संरक्षण समितिका सहसचिव यज्ञप्रसाद पन्थीले बताए । हिन्दु धर्मावलम्बीले गौशालामा रहेका गाईलाई पूजा गर्नुका साथै नुन, तेल, रोटी, चामलको पिठो लगायत खुवाउने गर्छन् । रेसुङ्गाको गौशालामा २०४२ सालदेखि गाई पाल्न थालिएको थियो ।
रेसुङ्गामा हिन्दु धर्मावलम्बीले पितृहरुको मनोकांक्षा पूरा गर्न भन्दै गाईदान गरेर छोडने चलन छ । गाउँघरमा गाई पाल्ने प्रचलन घट्दै गएका कारण गौशालामा गाई पूजा गर्न आउनेहरु बढेका छन् ।
कमेन्ट गर्नुहोस्