मणिग्राम बिश्राम बाटिकाले गर्यो बृहत रक्तदान कार्यक्रम

मणिग्राम। मणिग्राम बिश्राम बाटिकाको आयोजना तथा तिलोत्तमा रक्तदाता समाज तिलोत्तमा रुपन्देही र रोट्र्याक क्लब अफ सेन्ट्रल बुटवलको आयोजना तथा   लायन्स क्लब अफ भलवारी, लायन्स क्लब अफ तिलोत्तमा सूर्यमुखी र रक्तसंचार केन्द्र बुटवलको प्राबिधिक सहयोगमा तिलोत्तमा ५ मणिग्रामको बिश्राम बाटिकाको प्राङ्गणमा बृहत्  रक्तदान कार्यक्रम  सम्पन्न  भएको छ । 

३५ पोइण्ट रगत संकलन गरिएको सो कार्यक्रममा मुख्य प्रायोजकको रुपमा रेडियंट कलेज कुञ्जलापुर र सह प्रायोजक लुम्बीनीचस्मा घर आनखा उपचार केन्द्र रहेको थियो। मानव जीवनको अत्यन्तै  पुण्य  काम रक्तदान हो । रगतको अभावमा कुनै पनि मानव जातिले ज्यान गुमाउनु नपरोस भनी  रक्तदान कार्यक्रम आयोजना गरिएको कार्यक्रम संयोजक लेख बहादुर थापाले बताए।कार्यक्रमबाट ३५ पोइन्ट रगत संकलन गरिएको र प्राविधिक सहयोग रक्त संचार केन्द्र बुटवलले गरेको संयोजक बिक्रम गैरेले बताएका छन। कार्यक्रम रक्तदाता समाजका अध्यक्ष गोबिन्द बन्जाडे,रोटृयाकका अध्यक्ष बिनित कसौधन,बिश्राम बाटिकाका सुरज खड्काको अध्यक्षता र बिश्राम बाटिकाका संचालक गिरिसमणी आदिको प्रमुख आतिथ्यतामा सम्पन्न भएको थियो।