रोशन नेपाल स्मृति प्रतिष्ठानको १२ औँ स्मृति दिवस तथा साधारण सभा छवि नेपाल स्मृति पुरस्कारबाट कृष्ण प्रसाद गौतम सम्मानित

तिलोत्तमा ।रोशन नेपाल स्मृति प्रतिष्ठानको १२ औँ स्मृति दिवस तथा साधारण सभा सम्पन्न भएको छ । शनिबार बुटवलस्थित कालिका मानवज्ञान माविमा आयोजित कार्यक्रममा प्रतिष्ठानका अध्यक्ष प्रोफेसर ऋषिराम भुषालको सभापतित्व तथा प्राडा कपिलदेव लामिछानेको प्रमुख आतिथ्य रहेको थियो । सो अवसरमा बोल्ने बक्ताहरुले रोशन नेपाल स्मृति प्रतिष्ठानले गरेका सामाजिक कार्यहरुको चर्चा परिचर्चा गरेका थिए ।कार्यक्रममा छवि नेपाल स्मृति पुरस्कारबाट शान्ति नमुना माविका शिक्षक कृष्ण प्रसाद गौतमलाई नगद, दोसल्ला र प्रमाणपत्रले सम्मान गरिएको प्रतिष्ठानका संरक्षक सावित्री नेपालले जानकारी दिनुभयो ।

यसैगरि आजिवन सदस्यहरु मध्येबाट नवराज श्रेष्ठ सम्मानित हुनुभएको प्रतिष्ठानका सल्लाहकार प्राडा रामचन्द्र आचार्यले जानकारी दिनुभयो । यसैगरि सामुदायिक तथा संस्थागत विद्यालयहरुबाट एसईईमा ४ जिपिए प्राप्त गर्ने ४ जना विद्यार्थीहरु सहित प्रतिष्ठानको संस्थागत सदस्य भएका विद्यालयहरु सिद्धार्थ बोर्डिगँ स्कुल शंकरनगर तथा महावीर बोर्डिगँ स्कुल बुटवलका एक एक जना विद्यार्थीलाई समेत सम्मान गरिएको थियो । यसैगरि मृगौला तथा मुटु सरोकार समाजलाई पनि नगद सहित सम्मानित गरिएको कार्यक्रममा सदा झै यसबर्ष पनि बुटवल उपमहानगरपालिका वडा न ६ निवासी जेष्ठ नागरिकद्धय ९५ बर्षिया मोहनमाया कक्षपति तथा ९२ बर्षिय चित्रमान गौचनलाई निवास मै पुगेर नगद सहित दोसल्ला खाद्यान्न लगायतका सामग्री सहित सम्मान गरिएको थियो ।

यसैगरि प्रतिष्ठानले माधवराज शर्मा भैरहवा, मदनराज शर्मा, तिलोत्तमा वडा न ८, रमेश राज शर्मा, विष्णु प्रसाद सापकोटा चितवन, केएन सागर ज्ञवाली तिनपा ७ भलवारी लगायतलाई आजिवन सदस्यको प्रमाण्पत्र वितरण गरिएको कार्यक्रम सन्चालन तथा संस्थाका सचिव मोहनराज शर्माले जानकारी दिनुभयो । प्राध्यापक तथा प्रतिष्ठानका उपाध्यक्ष रामलाल श्रेष्ठको स्वागत मन्तब्य रहेको कार्यक्रममा उद्योग बाणिज्य संघ बुटवलका पुर्व अध्यक्ष नवराज श्रेष्ठ, शिक्षाविद, साहित्यकार, समाजसेवी, उद्योगी, ब्यवसायी, विद्यार्थी लगायतको उल्लेख्य सहभागिता रहेको थियो ।